سلام عدالنبت في وسم الأمطار
= من كل قلبي لك محبه وتقدير
عليك يانجم(ن)هدى كل محتار
=واعطى الحقوق الواجبه دون تقصير
واقصدفضيله شامخ الراس مغوار
=الشيخ أبوريان تاج المشاهير
نبع المكارم مكرم الضيف والجار
= حكيم علمه نور يضوي الدياجير
جوده مثل غيث(ن)على مدن وقفار
= من جالسه يزاد علم(ن)وتعبير
يتميل قلوب(ن)غليظه من حجار
=بالوعظ والحكمه ويعطي دنانير
ماحد يمله كلمته تشفي أعمار
= كنها رحيق(ن)من جميع المثامير
لوبيننا تسعين مليون هكتار
=والله وامشي له معنى القدم سير
وان جيت له ماجيت وآشي وثرثار
= نديم شخصه ماصحب نافخ الكير
صافي ضمير(ن)ماظلم يوم وابتار
=أبيض من الحالي حليب المغاتير
حقق نياشين الوقاره بالأفكار
= وابحرمع شيوخ العلم والمغاوير
غاص بحورالعلم واضفى لنا الدار
= من المعارف كلها والتفاسير
في طلعته بدر(ن)سطع فوق الأقطار
=يسري على نوره مسنين وصغير
شيخ(ن)جليل(ن)سارفي درب الأبرار
= ينهى عن المنكر ويصلح بتدبير
ماغرته دنياه عن نهج الأخيار
= سيماه في وجهه من الرب توقير
على يدينه يهتدي عاص واشرار
=في كلمته بلسم قلوب(ن)مكاسير
من البيان الله عطا الشيخ مقدار
=الله تزيده علم يارازق الطير
ويالله تصلح به مصاغير وكبار
=تى يكون المجتمع رمز تفكير
فيما يجب تركه من أعمال واخبار
=بقون قمة خير لا لا أساطير
حب البعض واجب على شيب وصغار
=والبغض والفرقه مصايب واعاصير
والحسد والأحقاد قطعه من النار
=الحلم والألفه شموخ(ن)وتطوير
قوم(ن)بلاهم بينهم جرف منهار
=لاطاح كل(ن)زيده ألف تدمير
مابيننا ياناس حرب(ن)ولاثار
=نعدى بعضنا بالشتم والسواطير
حنا بني مسمارمافينا مهذار
=ما بالكم تعطون عنا تقارير
خلوا الموده ساريه بين الأحرار
=ولحرمايرضى على الناس تزوير
ظلم النفوس الطاهره شي ماصار
= ماصارحتى في عصرسالم الزير
من يقبل الشينه ولايسترالعار
= خاوي ضمير(ن)يستحق التعازير
رجل(ن)بلاشيمه مثل ثوب جزار
= عفن الروايح ممتلي بالمقاذير
ياشيخنا خلك رحوم(ن)ومدرار
= مدرار توعيظ ونصايح وتذكير
خذلك مع الجمهورجوله ومشوار
= وأنا لكم ساعد مساندعلى الخير
وختامها يالله ياخير غفار
= تجلي صدور(ن)من وصبها مضارير
خيم بها غيهب عرمرم وجرار
= حل محلات الهدى والأسارير
وصلوا على خيرالبريه والأخيار
= الهادي المبعوث رحمه وتبشير